अव्यवस्थित रुपमा निर्माण गरिएका हाउजिङमा बसोबास गर्दा मानसिक समस्या निम्तिन सक्छ

• सुरेश रिजाल

हरेक मान्छेको चाहना हुन्छ, आफ्नै स्वामित्वको घर होस् । मान्छे जीवनभर एउटा घर बनाउनका लागि संघर्ष गरिरहेको हुन्छ । 

मानव सभ्यताको विकास एवं विज्ञानको प्रगति सँगसँगै भवन निर्माणको कलामा पनि व्यापक परिवर्तन हुँदै आइरहेको छ । रियलस्टेट डेभलपरहरुले व्यवस्थित हाउजिङ र गगनचुम्बी अपार्टमेन्ट बनाउन थालेका छन् । पछिल्लो समय शहरीया बासिन्दाको पहिलो रोजाईमा हाउजिङका घरहरु पर्न थालेका छन् । 

कहिलेकाहीँ आफुले संघर्ष गरेर आर्जेको पैसाले किनेको वा बनाएको सुविधायुक्त घरमा बस्दा पनि तनाव सिर्जना भइरहन्छ । हुन त मानसिक तनाब सिर्जना गर्ने अरु थुप्रै कारणहरु हुन सक्छन् तर बास्तु अनुसार निर्माण नभएको घरमा बसोबास गर्दा पनि आर्थिक तथा मानसिक तनाव भइरहन्छ ।

अव्यवस्थित रुपमा बास्तु नमिलाई निर्माण गरिएका हाउजिङमा बस्दा पनि मानसिक तनाब हुने गर्छ । यसको मुख्य कारणमा वस्तुदोष पनि हुन सक्छ । हामी आज तपाईंलाई अव्यवस्थित रुपमा बनाएको हाउजिङका घरहरु किनेर बस्दा कसरी मानसिक समस्या निम्तिन्छ भनेर जानकारी गराउँदै छौं । 

वैदिक बिधिअनुसार गृह निर्माण गर्दादेखि नै विभिन्न साईत जुराउनुपर्ने नियम रहिआएको छ । गृह निर्माण गर्ने मुख्य घरधनिको सूर्य, बृहस्पति तथा चन्द्रमा बलियो भएको समय पारी आइतबार र मंगलबार नपारेर चर लग्न र चरांशक तथा ४, ९ र १४ तिथि छल्ने गरी शुभारम्भ गरेर निर्माण गरिएको भवनमा बसोबास गर्दामात्र शुभलाभ हुन्छ । 

पुस, फागुन, बैशाख, साउन, कार्तिक र मंसिर महिनामा गृह निर्माण कार्य गर्नुपर्ने नियम शास्त्रमा उल्लेख गरिएको छ । शास्त्रीय नियमअनुसार मुहुर्त हेरेर निर्माण गरिएको भवनमा गृह प्रवेशका लागि पनि शुभ मुहुर्त हेर्नुपर्ने नियम छ । यसरी नियम अनुसार निर्माण भई बसोबास गरिएको भवनबाट मात्रै सुख, शान्ति तथा सम्पूर्ण सुखभोग गर्ने सकिने शास्त्रीय नियम छ ।

ठूला तथा व्यवसायिक हाउजिङ कम्पनीहरुले शास्त्रीय नियम पालना नगरी बनाएका घरमा बस्दा विभिन्न समस्या भोग्नुपर्ने वास्तशास्त्रमा उल्लेख छ । 

वास्तुशास्त्रको नियमअनुसार कस्तो प्रकारको भूमिमा बस्दा कस्तो फल प्राप्त हुन्छ भनेर प्रष्ट रुपमा उल्लेख गरिएको छ । उत्तर र दक्षितर्फ लामो परेको जग्गामा बनाइएको घरमा बसोबास गर्न अत्यन्तै शुभ रहन्छ । किनभने, पूर्वबाट आउने सूर्यको सकारात्मक किरणका कारणले गर्दा उक्त भवनमा बसोबास गर्दा हरेक प्रकारका कार्यसिद्धीका साथै रोगले पनि आक्रमण गर्न सक्दैन । 

त्यस्तै, पूर्व पश्चिम फैलिएको जग्गामा बसोबास गर्दा व्यापारमा छिट्टै उन्नति हुने र लक्ष्मीको सदैब बास रहन्छ । पूर्व पश्चिम फैलिएको जग्गामा बसोबास गर्दा उत्तरी भाग धेरै हुने भएकाले धनका देवता कुवेरको पूर्ण दृष्टी पर्ने भएकाले शुभ मानिएको हो । 

खराब दिशामा बसोबास गर्दा दशा पनि कमजोर हुने र गर्न खेजिएका हरेक कामहरु निष्फल हुन्छन् । अव्यवस्थित रुपमा भूमिको परिक्षण नै नगरी बसोबास गर्नका लागि निर्माण भएका ठूला हाउजिङमा बसोबास गर्दा भाग्यको साथ नरहने र जति मिहिनेत गरेपनि काम सफल नुहने समस्या आउन सक्छ ।

आफु बसोबास गर्ने घर राम्रोसँग वास्तु परिक्षण गराएर मात्र खरिद गर्दा राम्रो हुन्छ ।

फोन : ९८५१०६११२४, इमेल : rijal.suresh123@gmail.com

लेखक रिजला दक्षिण एसियाली ज्योतिष महासंघ नेपालका महासचिब हुन् ।