आधुनिक उन्‍नत शहर निर्माणमा कुन महानगरले ल्याए कस्तो बजेट ?

महानगरका बजेटले शहरी व्यवस्थापन, व्यवस्थित बसोबास, पार्क निर्माण, शहरी सौन्दर्यता, कर असुली नीतिलगायतमा कस्तो व्यवस्था गरेका छन् ?

406F4523C9DE64D-badge.png
887views
B1C028ADAA435BF-Kathmandu Metropolitan City office KMC office1611128677_1024.jpg

काठमाडौं । देशका ६ वटै महानगरपालिकाले आगामी आर्थिक वर्ष ०८०/८१ का लागि बजेट ल्याइसकेका छन् । सबैभन्दा ठूलो आकारको बजेट काठमाडौंको छ भने सबैभन्दा सानो वीरगञ्‍ज महानगरको रहेको छ । 

६ महानगरपालिकाले कुल ५२ अर्बभन्दा बढी रकमको बजेट सार्वजनिक गरेका छन् । बजेटमा शहरी पूर्वाधार निर्माण र शहर सौन्दर्यीकरणलाई विशेष प्राथमिकता दिइएको देखिन्छ ।

महानगरका बजेटले शहरी व्यवस्थापन, व्यवस्थित बसोबास, पार्क निर्माण, शहरी सौन्दर्यता, कर असुली नीतिलगायतमा कस्तो व्यवस्था गरेका छन् ? हामी तपाईंलाई विस्तृतमा जानकारी गराउन गइरहेका छौं ।

काठमाडौं महानगरः २५ अर्ब ५४ करोड

कुरा सुरु गरौं काठमाडौं महानगरपालिकाबाट । महानगरकी उपप्रमुख सुनिता डंगोलले सार्वजनिक गरेको बजेट २५ अर्ब ५४ करोड ७८ लाखको छ । जसमध्ये चालुतर्फ ८ अर्ब ६१ करोड ५४ लााख र पुँजिगततर्फ १६ अर्ब ९३ करोड २४ लाख बिनियोजन गरिएको छ ।

काठमाडौं महानगरले शहरी पूर्वाधार निर्माणमा विशेष प्राथमिकता दिएको देखिन्छ । महानगरको सार्वजनिक पूर्वाधार निर्माण तथा सुधारतर्फ कुल ७ अर्ब ३४ करोड ६२ लाख बजेट बिनियोजन गरिएको छ, जुन रकम कुल बजेटको करिव एक तिहाई हुन आउँछ । 

बजेटमा शहरी व्यवस्थापन, धुलोरहित काठमाडौं, पार्क निर्माण, उज्यालो शहरदेखि शहरी सौन्दर्यसम्म पूर्वाधार प्राथमिकतामा छन् । आगामी वर्ष महानगरभित्र डिपिआर भइसकेका सडक तथा पेटीहरु मर्मत तथा निर्माण गरी ‘धुलोरहित काठमाडौं’ योजना कार्यान्वयन गर्ने उपप्रमुख डंगोलले घोषणा गरिन् । यो कार्यक्रमका लागि मात्रै एक अर्ब बिनियोजन गरिएको छ ।

महानगरभित्रका प्रमुख सडकमा फाइवर तथा अन्य केवल विस्तारका लागि आफ्नो युटिलिटी डक्ट निर्माण गरी शेयर इन्फ्रास्ट्रक्चरको अवधारणा अनुरुप काम अगाडि बढाउन १० करोड बजेट विनियोजन गरिएको छ ।

महानगर क्षेत्रभित्रका सडक, रेलिङ, वाल, कार्यालय परिसर, पार्क क्षेत्रलाई नियमित एवं स्वचालित रुपमा सुन्दर तथा जीवन्त बनाई राख्ने उद्देश्यले सञ्चालित ‘सुन्दर महानगर योजना’ अन्तर्गत २५ करोड छुट्याइएको छ । 

यस्तो हुनुपर्छ ‘सुलभ तथा व्यवस्थित आवास’का लागि जग्गा एकीकरण विधि

विनोद चौधरीले सञ्‍चालनमा ल्याए १५ अर्ब लगानीमा पाल्पा सिमेन्ट उद्योग, निर्यात पनि सुरु

विनोद चौधरीले सञ्‍चालनमा ल्याए १५ अर्ब लगानीमा पाल्पा सिमेन्ट उद्योग, निर्यात पनि सुरु

विनोद चौधरीले सञ्‍चालनमा ल्याए १५ अर्ब लगानीमा पाल्पा सिमेन्ट उद्योग, निर्यात पनि सुरु

आधुनिक उन्‍नत शहर निर्माणमा कुन महानगरले ल्याए कस्तो बजेट ?

तीनवटा उद्योगबाट एक वर्षमा पौने अर्बको सिमेन्ट निर्यात, कुन महिना कति ?

बन्दीपुर केबुलकार र आईपीओ एकैसाथ खुला हुने, केबुलकारको डब्बाभित्रै रेष्टुरेन्ट !

भक्तपुरमा सवा ९ लाखसम्म बढ्यो जग्गाको सरकारी मूल्य ! कुन ठाउँको मूल्य कति ?