यी हुन् गोदावरी क्षेत्रमा बिक्रीका लागि राखिएका घडेरीहरु

काठमाडौं । सबै मानिसको इच्छा हुन्छ कि आफ्नै घर–घडेरी जोड्ने । समाजमा इज्‍जत र प्रतिष्‍ठा कमाउनका लागि घरजग्गा जोड्नुपर्ने  र सानोतिनो कमाईले घरजग्गा जोड्ने सपना पुरा गर्न निकै कठिन छ । उपत्यकाको कुनाकाप्चातिर जाँदा पनि आनाको १० लाखभन्दा कम मूल्यमा घडेरी भेट्टाउन मुस्किल पर्छ ।

आफुले कमाएको पैसाबाट अलिअलि बचत गरेर घडेरी किन्‍न चाहने व्यक्ति धेरै हुन्छन् । मानिस जहाँ बसेपनि सकभर काठमाडौं उपत्यकामा नै सम्पत्ती जोड्न सकेमा समाजमा इज्‍जत र प्रतिष्‍ठा बढेको महशुस गर्छन । त्यसमाथि कामकाजको हिसावले पनि धेरै नेपालीको कर्मथलो काठमाडौं बनिसकेको छ ।

जग्गामा गरेको लगानीले निकट भविष्यमै राम्रो प्रतिफल दिने हुनाले पनि व्यवसायीक रुपमा जग्गा किनबेच गर्ने पनि धेरै हुन्छन् । पछिल्लो समय सबैन्दा मुनाफा दिने लगानीको क्षेत्र रियलस्टेट बनेको छ ।

तर, एउटा मानिसको सामान्य कमाइ र बचतले काठमाडौं उपत्यकामा जग्गाजमिन जोड्नु भनेको दिवास्वप्‍न जस्तै भइसक्यो । अझै पनि केहि त्यस्ता ठाउँ बाकी छन् जहाँ मध्यम बर्गका मानिसले पनि घडेरी जोड्न सक्ने हैसित राख्छन् । 

ललितपुको गोदावरी नगरपालिकाको किटिनी, बडिखेल, विष्‍टछाप, गोदामचौर लगायतका क्षेत्रमा अहिले पनि आनाको ९ देखि २० लाख रुपैयाँसम्ममा जग्गा किन्‍न पाइन्छ । सातदोबाटोदेखि गोदावरीसम्म धमाधम सडक विस्तारको काम भइरहेको छ । त्यस्तै, गोदावरीदेखि ललित घुम्ती द्रुतमार्गमा गएर जोडिनेछ । 

विकासे पूर्वाधार निर्माण पनि तिब्र गतिमा भइरहेको गोदावरी क्षेत्रमा अहिले जग्गामा लगानी गर्दा छिट्टै राम्रो प्रतिफल पाइने रियलस्टेट एजेन्सीहरु तर्क गर्छन् । यो ठाउँ घर बनाएर बस्‍नका लागि पनि शान्त र रमणीय छ । 

आवासीय एवम दीर्घकालिन लगानीको लागि उपयुक्त र प्रचुर सम्भावना बोकेको क्षेत्र हो गोदावरी । यस क्षेत्रमा जग्गा किन्‍न चाहनेले कहाँ खोज्‍न जाने त ? आज हामी रियलस्टेटको अनलाइन प्लेटफर्म नेपालहोम्स डटकममा बिक्रीका लागि सूचीकृत भएका गोदावरी क्षेत्रका जग्गाको बारेमा जानकारी गराउँदै छौं ।

बडिखेल, गोदावरीमा १३ फिट र २० फिट बाटो भएको ३ आनादेखि ५ आनासम्मको प्लटिङ गरिएको जग्गा बिक्रीमा राखिएको छ । पूर्वी र दक्षिण मोहडाका यी आवासिय जग्गाको मूल्य प्रतिआना १५ लाख ७५ हजार रुपैयाँ रहेको छ ।

गोदावरी, विष्टछापमा २० फिट बाटो भएको ठाउँमा ४ आनादेखि ४ आना २ पैसा क्षेत्रफलका प्लटिङ गरिएको जग्गाहरु बिक्रीमा राखिएको छ । दक्षिण–पूर्वी मोहडाका यी आवासिय टुक्रे जग्गाको मूल्य प्रतिआना ९ लाख ७५ हजार रुपैयाँ तोकिएको छ । 

गोदामचौर, गोदावरीमा १६ फिट बाटो भएको ४ आना १ पैसा क्षेत्रफलको दुईवटा टुक्रा जग्गा प्रतिआना १० लाख २५ हजार मूल्य तोकेर बिक्रीमा राखिएको छ । यी घडेरी दक्षिण मोहडा फर्किएका छन् । 

ठेचो, गोदावरीमा दक्षिण मोहोडा भएका १६ फिट पिच बाटो भएको ठाउँमा ७ आना ३ पैसा जग्गा प्रतिआना २६ लाखको दरले बिक्रीका लागि राखिएको छ ।

 

गोदावरी, किटिनीमा १६ फिट बाटो भएको ५ आना १ पैसा र १२ आना क्षेत्रफलको प्लटिङ गरिएको जग्गा बिक्रीमा छ । यस आकर्षक जग्गाको बिक्री मूल्य प्रतिआना १७ लाख ५० हजार रुपैयाँ तोकिएको छ । 

झरुवारासी, गोदावरीमा २० फिट बाटो भएको ३ आनादेखि ५ आनासम्मको प्लटिङ गरिएको जग्गा प्रतिआना १४ लाख ५० हजार रुपैयाँ मूल्य तोकेर बिक्रीमा राखिएको छ । 

टौखेल, गोदावरीमा १८ फिट बाटो भएको ३ आना २ पैसा जग्गा बिक्रीमा छ । उत्तरी मोहडाको यस आवासिय जग्गाको बिक्री मूल्य प्रतिआना १५ लाख रहेको छ । 

किटिनी, गोदावरीमा २० फिट बाटो भएको ३ आनादेखि ७ आनासम्मका प्लटिङ गरिएको जग्गाहरु प्रतिआना १३ लाखको दरले बिक्रीमा राखिएको छ । यी जग्गाहरु पूर्वी, पश्चिम र दक्षिण मोहडा हुन् । 

ठेचो, गोदावरीमा १० फिट बाटोको पहुँच भएको ७ आना २ दाम जग्गा बिक्रीमा राखेको देखिन्छ जसको मूल्य प्रतिआना १८ लाख रुपैयाँ रहेको छ । ठेचो, गोदावरीमै २० फिट बाटोको पहुँच भएको ५ आना १ पैसा २ दाम क्षेत्रफलको जग्गा प्रतिआना १७ लाख रुपैयाँ मूल्य तोकेर बिक्रीमा राखिएको छ ।