घरकर्जा लिन जाँदा नभुली लैजानुस् यी कागजपत्र

नेपाल राष्ट्र बैंकले कर्जा प्रवाहमा कडाई गर्दै गइरहेको छ । पहिलो पटक आवास किन्न वा बनाउन बाहेक अरुले बैंकबाट ऋण लिँदा जुनसुकै आम्दानीको करचुक्ता प्रमाणपत्र अनिवार्य बुझाउनुपर्ने भएको छ । करचुक्ता प्रमाणपत्र आन्तरिक राजश्व विभाग मातहतका कार्यालयले दिन्छन् ।

यसको अलवा, अरु थुप्रै कागजातहरु बैंकमा पेश गर्नुपर्ने हुन्छ । बैंक तथा वित्तीय संस्थाहरुले आवश्यक सम्पूर्ण कागजपत्र बुझाएपछि  निश्चित मापदण्डभित्र रहेर घरजग्गा खरिद तथा निर्माणका लागि कर्जा उपलब्ध गराउँदै आएका छन् ।

घरकर्जा लिनका लागि बैंकले तोकेका निश्चित प्रक्रियाहरु पुरा गर्नुपर्दछ । आफ्नो अचल सम्पत्ति धितो राख्नुपर्ने हुन्छ । त्यसका अतिरिक्त व्यक्तिगत जमानत बस्नेको पनि विभिन्न कागजपत्र चाहिन्छ । व्यक्तिगत जमानत बस्नेले पनि एक बर्ष अवधिको बैंक स्टेटमेन्ट पनि पेश गर्नुपर्ने व्यवस्था छ ।