बुटवलको 'लुम्बिनी केबलकार' माघदेखि सञ्‍चालनमा आउने

तीन किलोमिटर लामो केबलकारको यात्रापछि पुगिने बसन्तपुर डाँडामा सुविधासम्पन्न होटल, मनोरञ्जन पार्क तथा मन्दिरसहितका संरचनाहरु निर्माण हुनेछन् ।  

406F4523C9DE64D-badge.png
481views
FE6BFFE49DE7E83-Lumbini-Cable-Car-Final.jpg

काठमाडौं । रुपन्देहीको बुटवल उपमहानगरपालिका बमघाटदेखि पाल्पाको तिनाहूँ गाउँपालिका बसन्तपुर डाँडासम्म पुग्‍ने निर्माणाधिन लुम्बिनी केबलकार आगामी माघदेखि सञ्‍चालनमा आउने भएको छ । 

हालै सम्पन्‍न कम्पनीको विशेष साधारणसभामा प्रगति प्रतिवेदन प्रस्तुत गर्दै लुम्बिनी केबलकार प्राइभेट लिमिटेडका अध्यक्ष चन्द्रप्रसाद ढकालले केबलकारको निर्माण आगामी पौषभित्र सम्पन्‍न हुने र माग १ गतेदेखि सञ्‍चालनमा आउने बताएका हुन् । 

करिब तीन किलोमिटर लामो केबलकारको यात्रापछि पुगिने बसन्तपुर डाँडामा सुविधासम्पन्‍न होटल, मनोरञ्‍जन पार्क तथा मन्दिरसहितका संरचनाहरु निर्माण हुनेछन् ।  

'केवलकारको तल्लो स्टेशनसम्म पुग्‍ने करिब ४०० मीटर पहुँचमार्गको निर्माण कार्य सम्पन्‍न भएको छ । तल्लो स्टेशनको सव–इस्टक्चरको निर्माण कार्य करिव सम्पन्‍न भई सुपर स्टक्चरको कार्य र साईट डेभलपमेन्टको काम अगाडी बढिरहेको छ' ढकालले भने, '९ वटा टावरमध्ये ८ वटा टावरको सिभिल निर्माण कार्य सम्पन्‍न भइसकेको छ भने बाँकी रहेको टावरको कार्य अगाडी बढिरहेको छ ।'

साथै, उनले माथिल्लो स्टेशनमा सव–इस्टक्चरको कार्य अन्तिम चरणमा रहेको र केबलकारको उपकरण तथा पार्टपुर्जाहरुको आयात गर्ने काम अगाडि बढेको बताए । 

त्यसैगरी, माथिल्लो स्टेशनमा रहेको मन्दिरक्षेत्रको निर्माण कार्य पनि केबलकार परियोजना सँग–सँगै सम्पन्‍न गर्नुपर्ने भएकोले हाल कार्यरत निर्माण कम्पनीलाई नै पुरानै सर्त बमोजिम कार्य प्रारम्भ गर्न निर्देशन दिइएको उनले जानकारी दिए । 

ढकालले माथिल्लो स्टेशनमा प्रस्तावित होटललाई अन्तराष्ट्रिय चेन–होटलसँग आबद्ध गराउन अन्तराष्ट्रिय परामर्शदाताहरुसँग छलफल भइरहेको जानकारी समेत गराए ।

यो केबलकार परियोजनाको १ फागुन २०७७ मा पूर्वप्रधानमन्त्री केपी शर्मा ओलीले शिलन्यास गरेका थिए ।

यस्तो हुनुपर्छ ‘सुलभ तथा व्यवस्थित आवास’का लागि जग्गा एकीकरण विधि

विनोद चौधरीले सञ्‍चालनमा ल्याए १५ अर्ब लगानीमा पाल्पा सिमेन्ट उद्योग, निर्यात पनि सुरु

विनोद चौधरीले सञ्‍चालनमा ल्याए १५ अर्ब लगानीमा पाल्पा सिमेन्ट उद्योग, निर्यात पनि सुरु

विनोद चौधरीले सञ्‍चालनमा ल्याए १५ अर्ब लगानीमा पाल्पा सिमेन्ट उद्योग, निर्यात पनि सुरु

आधुनिक उन्‍नत शहर निर्माणमा कुन महानगरले ल्याए कस्तो बजेट ?

तीनवटा उद्योगबाट एक वर्षमा पौने अर्बको सिमेन्ट निर्यात, कुन महिना कति ?

बन्दीपुर केबुलकार र आईपीओ एकैसाथ खुला हुने, केबुलकारको डब्बाभित्रै रेष्टुरेन्ट !

भक्तपुरमा सवा ९ लाखसम्म बढ्यो जग्गाको सरकारी मूल्य ! कुन ठाउँको मूल्य कति ?

A59B47D91B2D17F-Home-final.jpg

के नक्साको डिजाइनले घर बनाउने लागतमा फरक पर्छ ?

D7AAFD3D0A3D5B5-8E68C1566E40C28-22.jpg

निर्माण सुरु नहुँदै ‘हब नगरकोट’का ९० प्रतिशत घर बुकिङ, तीन घरमात्रै बाँकी

FE6EBDBE64704AA-Radission-Biratnagar-photo.jpg

यस्तो बन्दैछ विराटनगरमा पाँचतारे ‘र्‍याडिसन’ होटल, डेढ वर्षभित्र सञ्‍चालनमा आउने